Welkom

Maandelikse Gilde byeenkomste het weer hervat. Sien skedule heel onder op tuisblad.
previous arrow
next arrow
Slider

Baie welkom by die amptelike Afrikaanse webblad van die SA-Geskiedenis Gilde, Robertson. Die Gilde was gestig in Februarie 2017 deur ’n groep gewone mense met ’n passie vir die geskiedenis. Ons fokus is slegs op Suid-Afrikaanse geskiedenis en baie belangrik, die ryke geskiedenis van Robertson en onmiddellike omgewing.

Byeenkomste word maandeliks gehou by die plaaslike museum. Lede kry die geleentheid om ’n voorlegging te doen oor ’n onderwerp van sy/haar keuse. ’n Voorlesing word óók gedoen oor ’n brokkie geskiedenis met betrekking tot Robertson. Verlede jaar was die Gilde baie bevoorreg om besoek te word deur Professor Hermann Giliomee, bekende historikus en skrywer. Hy het sy outobiografie bekendgestel met ’n praatjie getiteld “Getuie van Groot Tye – ’n Historikus kyk na ons eie tyd.”

Gilde lede, gades en vriende besoek die Wederom Boetiek Wynkelder: 28 November 2020

Dié geskiedkundige wynplaas buite Robertson het Italiaanse krygsgevangenes gehuisves gedurende die Tweede Wêreldoorlog. Die Gilde het gaan kyk na die nalatenskap van die gevangenes wat nog steeds vir die nageslag bewaar word. Klik op die skakel hieronder vir die volle Wederom verhaal.

Gilde lede en gades besoek die Danie le Roux Museum op Bonnievale: 16 November 2019

Die Gilde sluit die verrigtinge van 2019 af met 'n besoek aan die Museum asook die Angora Stud gasteplaas waar 'n interessante klassieke versameling motors uitgestal word.

Dave Pepler besoek die Gilde op 15 Augustus 2019

Dave Pepler vertel staaltjies uit sy grootword jare op Robertson. Voor v.l.n.r.: Jacobus Kloppers, Jean van der Merwe, Dave Pepler, Dianne Coetzee. Agter v.l.n.r.: Len van Aswegen, Johan du Preez, Hennie van Dyk, Adriaan Landman, Maree Rabie, Rudi Oosthuizen.

Prof. Hermann Giliomee besoek die Gilde op 23 November 2017

Die titel van Prof. Giliomee se praatjie is: “Getuie van Groot Tye –‘n Historikus kyk na ons eie tyd”. V.l.n.r.: Dianne Coetzee, Maree Rabie, Len & Anita van Aswegen, Jacobus Kloppers, Prof. Hermann Giliomee, Helena Liebenberg, Johan du Preez, Jean van der Merwe, Hennie van Dyk en Rudi Oosthuizen.